Альманахрай бивщусса чувшиврий жан дуллусса Алик Гъазиевлул аьпалун сакин бувсса назмулул таржума

Чувшиврий жан дуллусса Алик Гъазиевлул аьпалун

Гьавалуву – дувсси, хьхьуниву – ч1ут1и

Мурч1и хьусса ссавгу – иттав дуруглай…

Ккуллалул увтманал ц1а лиххан дайма

Акъахьурча жагьил, ухьурча агьил,

Мунан бувч1лач1иссар оьрмулухсса мякь:

Ссавниясса чаннах, лагмасса урттух,

Ч1ап1ай– щинал к1унт1ах, зурул нурданух,

Ччиссаннуйн ка щусса чурххал зурзулух…

Шанавун ларгсса ссав, ц1ан ва пахъдагьру.

Аьрщарайх т1ивт1усса вил чурх – зяй чару.

Урч1ах гьаз хьуну дур бюхттулсса гьайкал,

Танил к1уч1 дурну дур цила махъ думур.

Гузат-къаралданий вих бур ялугьлай

Я аьсивсса бивк1у, я ттигу оьрму.

Вана ва къат1агу – оьрмулул лишан,

Ххялч1игу ххядурккун, чаннайн ливчусса.

Ккавкказнал зунттурдув, кьабивк1сса цанну,

Ссавнил ва Лухччинул дазуй бавц1уну?

Ляхъан бувсса Заннал зухь бусанхьуви

Оьрмулул, бивк1улул мяъна ссавурив.

Цукунсса цинцилттай буцайсса бурвав,

Дахьва буллу оьрму бялич1ан байни?

«Дяъвилий лит1айсса так арамталли,

Х1акьсса чувнал ххуллу язи бувгьуну».

Ккавкказуллал зунттал к1ира дур жуав:

Му я бюхттулшивур, лахъну гьаз айсса,

Алмасрал пар бусса Эльбрусрал бак1айн,

Ягу аскишивур, ц1а духлагайсса.

Кут1асса бивк1нугу оьрмулул лах1за,

Бивк1у бакъашиву – мугу оьрмури,

Дак1ниву духьурча буттахъал Ватан,

Къюк1ливу ухьурча Залгу, имангу